الڤيروسات الجزء الثالث

يبقى الفيروسات دلوقتى عندها كارت مهم جدا بتستخدمه عشان تقدر تعيش بعد ما تغزو الكائن الحى
الكارت دا هو التضاعف (التكاثر) ال هتحافظ بيه على تواجدها على العائل ..
الفيرس بيتكاثر داخل خلايا الكائنات الحية

عارف داخل الخلايا يعنى ايه ؟! يعنى الفيرس بيخترق جسم العائل والانسجة بتاعته عشان يوصل للخلية

(*الخلية هى وحدة بناء الكائن الحى ..
مجموعة الخلايا بتكون ما يسمى نسيج
ومجموعة الانسجة بتكون عضو
والاعضاء بتكون جسم الكائن الحى)

المهم ان الفيرس بيخترق جسم الكائن بطرق كتير منها
مثلا :
•عن طريق ثغرة جسدية /مثل جرح او قطع ف الجلد او خدش
•او عن طريق التلقيح المباشر  /مثل قرصة البعوضة
*لان الحشرات ممكن تحمل الفيرس وتنقله لاى كائن حى اخر
+ التلقيح هنا مقصود بيه مادة بتحفز مناعة الشخص تجاه مرض معين
•عن طريق الاصابة المباشرة /مثل استنشاق هواء ملوث
وطرق غيرها

المهم ان بعد ما الفيرس بيخترق الجسم بيتجه للخلية عشان يتضاعف بقا ويبدأ دورة حياته

بس قبل دورة حياة الفيرس نعرف الاول تركيبه
■ تركيب الفيرس //
حمض نووى DNA او RNA محاط بغلاف بروتينى Capsid 
،
 بعض الفيروسات بيكون ليها غلاف خارجى Envelope  وبيتكون من دهون وبروتينات وكربوهيدرات
؛

فى لاقمات البكتيريا bacteriophage بيتكون من رأس وذيل
١)الرأس /حمض نووى محاط بغلاف بروتينى
٢)يمتد الغلاف البروتينى دا ليكون ما يشبه الذيل
والذيل دا عبارة عن غلاف بروتينى ومحور الذيل
ال من خلاله هايتصل بالخلية البكتيرية
. . . . . . . . . . . .  👈 يتبع غدا 
 ( ج3 )
 Microbiologist Salma
م سلمى فيسبوك
صفحة ميكرسكوب فيسبوك