مسائل فى التسميد عشان محدش يتنطط عليك
»»»»»»»»»»»»»»»»»»»»»»»»»»»»»»»»»»»»»»»»»
قاعد فى حالك فى مزرعتك واذ فجأة لقيت صاحب المزرعة 👮داخل عليك وجايب لك حته شاب مزفلط كده اسمه المهندس ايهاب وبيقولك
المهندس ايهاب🕵 الاستشارى الجديد اللى هيمسك لك العنب🍇 . تسمع كلامه من غير مناقشة🤐
قوم ايه عمنا ايهاب يحب يتنطط على المهندس 😝
وبعد ما لفوا فى المزرعة قعد يكتب له التقرير✍
واذ فجأة حضرتك تقرأ التقرير وتلاقية كاتب لك التسميد على شكل وحدات مش كميات وكان التقرير كالتالى😱😱😱
😎بمعلوميه النسب الموجودة عل شكاير التسميد
يتم رى العنب بمعدل ٣٠ متر للفدان مع اضافة
0.5 وحدة بوتاسيوم. من سلفات البوتاسيوم
0.5 وحدة فوسفور من الماب
0.3 وحدة مغنسيوم. من سلفات المغنسيوم
1 وحدة كالسيوم. من نترات الكالسيوم
لتر حامض نيتريك
1.5 وحدة نيتروجين. من نترات النشادر
تعرف يا معلم يا مستعلم تحولنا الوحدات دى لكميات
مع ذكر طريقة التسميد واى الاسمدة سيتم خلطها معا
وايها سيتم تسميدة منفردا
وايضا كم ساعة سيحتاجها الفدان فى حالة النقاط ال٥٠ سم ٤ لتر
وكم ساعة فى حالة النقاط ٣٠ سم ٤ لتر
اولا عند حساب كميات التسميد او التحويل من وحدات الى كميات لابد ان يكون العنصر الاخير فى الحسابات هو عنصر النيتروجين
بمعنى
تاخد البوتاسيوم والمغنيسيوم الاول عشان مفيهمش نيتروجين
كل عنصر على حسب تركيز الشيكارة
يعنى مثلا سلفات البوتاسيوم 50%. معنى كده ان كل 100كيلو فيهم 50كيلو او وحدة بوتاسيوم( الوحدة =كيلو عنصر)
يبقى بديهى كل كيلو سماد سلفات بوتاسيوم به نصف وحدة
وال 2 كيلو فيهم وحده وهكذا لكل العناصر
نيجى للخطأ اللى معظمكم وقع فية
الكالسيوم والماب والنيتريك
تم حشاب نسب هذه العناصر دون النظر لمحتواها من النيتروجين
وهذا خطأ فادح فى التسميد
لذلك بجانب حسابك لكميات هذه العناصر لابد من النظر لما تحتوية من نيتروجين وحشاب كميته
ثم استكمال الباقى من نترات النشادر اخر مرحلة
خلط الاسمده
السماد الاكثر مشاكل فى الخلط هو عنصر الكالسيوم
ومشكلته الوحيدة هى محموعة السلفات. اذا لا يمكن خلط اى سماد يحتوى على السلفات مع الكالسيوم. هيكون لك جبس زراعى كبريتات الكالسيوم على طول غير ذائب وهيبهدلك الخراطيم ويسدها لك ( السلفات هى هى الكبريتات بس دى بالانجليزيه ودى بالعربيه)
وعشان ترتاح من الوش ده متخلطش الكالسيوم وخلاص مع حاجة واسحبة لوحدة
الخرطوم ال٥٠ دايما احسبه ان بينزل ١٠ متر ساعة على اساس تصريف ٤.٢ لتر ساعة
الخرطوم ٣٠ بينزل ١٨. انت احسبة على ١٦
ان شاءالله البوست القادم عن تفادى قلوية المياة والتربة وقد نتناول الملوحة واسبابها
مع تحياتي إيهاب خليفة
يسعدنا تعليقك وتقييمك للموضوع