لماذا الرى بعد المطر فى نظام الري بالتنقيط
»»»»»»»»»»»»»»»»»»»»»»»»»»»»»»»»»»»»
حضرتك عندك حتة ارض بكر لم يتم الزراعة بها من قبل
حتة الارض دى بتكون مليئة بمختلف العناصر والاملاح والتى منها كلوريد الصوديوم او ملح الطعام
اخدت الارض دى وعملت لها خطوط وحطيت خراطيم على الخطوط دى
الخراطيم دى بتروى مساحة مربعة تحتها ( اى كان مقدار هذه المساحة)
نتيحة نزول الماء فى هذه المساحة يتم ازاحة الاملاح الموجوده بها لاسفل وللاجناب
فيما يعرف بعملية غسيل
طيب بقيت الارض اللى مش بيوصل لها ماء
بتفضل محتفظه بالاملاح كما هى عشان مفيش مياه بتوصل لها
طيب اما يحدث امطار ايه اللى بيحصل
يحدث اذابة للاملاح الموجوده فى المنطقة الجافة من الارض والبعيدة عن منطقة البلل
وبازدياد الامطار تصبح كل الارض متصلة ببعضها بواسطة محلول التربة الناتج من الامطار
يعنى كل حتة الارض هتلاقيها مبلولة
طيب وايه يعنى اية المشكلة؟
طبعا فيه مشكلة
هيصبح عندل لفترة من الوقت منطقتين
منطقة املاحها قليلة ( اللى هى تحت الخراطيم)
ومنطقة املاحها عالية( اللى هى كانت جافة ونزل عليها المطر)
طيب الاملاح دى تقعد ساكته فى حالها كده ( هو فيه حد بيسيب حد فى حالة يابنى)
لا طبعا متسكتش
تنتقل من اماكن التركيز العالى لاماكن التركيز المنخفض بخاصية اسمها خاصية الانتشار
ويظل هذا الانتقال الى ان يتعادل المحلول الارضى ولا يصبح هناك مناطق ذات تركيز مرتفع واخرى منخفض
معنى كده ان المنطقة اللى تحت الخراطيم واللى احنا بنغسل فيها طول السنة اصبحت بها تركيز املاح اعلى من المعتاد
دورنا بقة فى الحالة دى اية
بعد توقف المطر يبدأ المحلول الارضى فى الانخفاض لاسفل
نقوم برى المناطق التى بها الخراطيم مرة اخرى وبالتالى تخفيض تركيز الاملاح حول منطقة الجذور مع اضافة حامض كالكبريتيك مثلا مع الرى
طيب السؤال ماذا يحدث اذا كان الرى فى هذا الوقت غير مناسب لاى سبب من الاسباب؟
الاحابة ببساطة لقد تم الرى رغما عن انف الكل بواسطة المطر حيث لا حيلة لك ولن تستطيع منعه فلن يضرك كثيرا زيادة المياه قليلا لازاحة الاملاح
ملحوظة هذا الكلام عند كميات الامطار الكثيرة نوعا ما كاستمرار المطر لمدة ساعة او اكثر متواصلة
اقل من ذلك لا ضرورة للرى
تحياتى إيهاب خليفة
إيهاب خليفة فيسبوك
يسعدنا تعليقك وتقييمك للموضوع