العنصر الملك النيتروجين

*هات ما عندك يا وزير

--برقية يا ريس من اوراق الشجر الكبيرة فى السن

*خير مالهم

--البرقية بتقول ان لونهم بدء فى الاصفرار والشحوب . الكلام دة حاصل فى الاوراق القاعدية

وبيهددوا بانتقال العرض لباقى الاوراق فى القمة وايضا بتوقف النمو وتوقف تكوين الكلوروفيل والبروتوبلازم والاحماض الامينية

* تمام تمام----------- ويا ترى ايه رايك يا وزير

شايف اية السبب

--والله يا ريس ممكن اسباب كتيرة وخاصة موضوع الاصفرار دة

*طيب مش ملاحظ ان الاوراق الكبيرة فقط هى اللى اشتكت من العرض

--دا صحيح

*طيب دا ممكن يحصر شوية الاسباب فى عناصر معينة

--فعلا كدة ممكن يكون السبب عنصر من العناصر الكبرى وبالاخص العنصر الملك النيتروجين خاصة وان الامر خاص بالنمو وتكوين الاحماض وخلافة

*برافو عليك يا وزير هو فعلا النيتروجين العنصر ده هام جدا للنمو وخاصة فى مراحل ما قبل التزهير وبيحتاجة النبات بكميات كبيرة

انت تعرف ان كل طن تقريبا من الفاكهة خاصة العنب بيحتاج 4 وحدات من النيتروجين

--طيب طالما الامر كدة نطلب كميات كبيرة منه

* لا طبعا دا تفكير مش صحيح ولازم تتعلم الحرص الشديد فى التعامل مع العنصر دة خاصة فى الفاكهة حيث هناك اوقات ممكن تضيف فيها بدون خوف و اوقات تقريبا لا تضع فيها اى نيتروجين

عندك مثلا فى العنب ممكن تضع ثلثى احتياج النبات فى الفترة من الخروج للتزهير

ثم فى فترة العقد قد تصل الاضافة الى الصفر ثم تكمل الثلث الباقى فى فترة التخزين

لكن المشكلة الكبرى هى فى الافراط فى التسميد الازوتى واهم الاعراض هو الهياج الشديد وبالتالى ضعف جدر النموات وبالتالى سهولة اصابتها بالفطريات حيث سهولة اختراق هيفات الفطر للخلايا

--طيب هنعمل ايه الان

*متخفش الفلاح اللى معاك فلاح ارارى هيعرف النقص ويضعة الريه القادمة

--تتوقع يا ريس هيحطه فى صورة اية؟

*والله لو هو ارارى زى ما انا متوقع لو عندة التربة طينية هيستخدم سلفات النشادر

لو رملية هيستخدم نترات النشادر او نترات الكالسيوم ومعاهم حامض النيتريك

وعمرة ما هيستخدم اليوريا لانه تتطاير سريعا

إيهاب خليفة فيسبوك