مدخل لتغذية النبات
»»»»»»»»»»»»»»»»»
زى ما كل الناس عارفة النبات بيتكون من
جذر. ساق ( شاملة الأغصان). واوراق
لكل واحد من دول مهمة وعشان نعرفها هنضرب مثل بسيط
عبد الملك قام الصبح من النوم حضر الافطار واكل فول وطعمية وخضار والتحلية كانت فاكهة بلح.( جمع بلحة)😎
المهم اشتغل ورجع البيت وهو راجع مش واخد باله خبط فى نخلة بلح 😎
اتعور عبد الملك لكن المفاجأة ان لما اتعور نزف دم
ايه ؟ دم.؟ جاله الدم منين ؟😂
دا واكل فول وطعمية وخضار ومحلى ببلح (جمع بلحة بردو) اتحولت الحاجات دى لدم ازاى
الفم اكل والطعام مشى فى القناه الهضمية للمعده اللى هضمته وحولته لعناصرة الاولية واللى بدورها انتقلت فى الدماء الى كل الاعضاء
ايه علاقة النبات بكل ده
هاقولك
الجذر (وهو مذكر طبعا) طالع عينه يا ولداه عشان يوفر الاكل للنباتات
الساق والاغصان ( اجزاء مذكرة ايضا) واقفة طول عمرها سانده الشجرة وموصله الاكل والشرب للنبات ( تحيه كبيرة للرجاله يا اخوانا والله)
الاوراق ( المؤنثة) ودى دورها الطبيخ طبعا كلنا عارفين😂😂😂😂
تاخد الاكل اللى بيبعتها لها الجذر وتحوله لطبخة حلوة تنفع تتاكل . بتحتاج مساعدات كتيرة عشان هى مبتعرفش تعمل حاجة لوحدها
تبص تلاقى الشمس بتساعدها بالضوء والحرارة الهواء اللى حولها مهم بيمدها بالاوكسجين ايضا
هزرنا. نتكلم جد شويه
النبات يشبه الانسان ولتتعامل معه يجب ان تعرف هذا
تبدأ دورة التغذية فى الانسان والحيوان بما انتهى اليه النبات من منتجات حيث يتغذى عليها
تبدأ دورة تغذية النبات مما انتهى اليه الحيوان حيث يتم وضع مخرجات هذه الحيوانات فى الارض كمصدر مساعد لتغذية النبات وامدادة بكثير من العناصر نتيجة تحلل الطعام الى هذه العناصر
الجذر فى النبات هو بمثابة الفم للحيوانات والانسان
الساق فى النبات مثل العمود الفقرى والقناه الهضمية معا
الاوراق كما المعده
يتم امتصاص العناصر بواسطة الحذور وتنتقل عن طريق الخشب الموجود فى الساق وتصل للاوراق التى تقوم بمساعدة ضوء الشمس لتحويل هذه العناصر الى مكونات تصلح لحياة النبات كالكربوهيدرات والبروتينات والاحماض الامينية وغيرها من المواد داخل النبات
ثم تنتقل هذه المواد فى لحاء الاشجار الى كل احزاء الشجرة لاكمال دورة نموها وحياتها
وايضا تنتقل نزولا الى الجذور لامدادة بالغذاء اللازم لمده بالطاقة اللازمة لامتصاص العناصر والذى بدورة ينقلها مرة اخرى للاوراق عن طريق الخشب وهكذا تستمر الدورة بلا توقف
فسبحان الخالق العظيم
كان هذا مدخلا بسيطا لتغذية النبات
وللموضوع بقية
إيهاب خليفة فيسبوك
يسعدنا تعليقك وتقييمك للموضوع