اللعب بالمبيدات
»»»»»»»»»»»»»»
جمله غريبة صح؟
طيب بص يا سيدى
اولا هاديك شوية مصطلحات كده عن المبيدات فخلى بالك
وكالعاده مش هاتطرق لتعقيدات
اية انواع المبيدات سريعا ( حشرى فطرى اكاروسى او عناكب مبيدات حشائش نيماتودا وقوارض)
مستحضرات المبيدات. ( مساحيق استحلاب محببات. الطعوم السامة. مدخنات. مساحيق الابتلال. ومساحيق الذوبان ......الخ ) كلة فى الكتاب اللى تحت ابقى راجعة
تعالى بقة يا معلم للعنوان. ازاى العب بالمبيدات
اللعب يا مكسب يا خسارة
تعالى للمكسب
اى محصول يتم تصديرة يتم تحديد عدد معين من المواد الفعالة وفى اوقات معينه حتى اذا وصل لهذه الدولة كان المنتج به نسبة المبيدات المصرح بها والذى يطلق عليها MRL
طيب توصل لنسبة الامان دى ازاى
بانك ترش المبيد قبل الحصاد بالوقت الكافى لتكسرة داخل النبات اللى يطلق عليهPHl
ايوة بردو اعرف الوقت ده ازاى؟؟
بمنهى البساطة موجود على العبوة وعلى ارشادات وزارة الزراعة وعلى لسته المبيدات السنوية للاتحاد الأوروبي
طيب استخدم كام مادة فعالة؟؟. دا على حسب الدولة ومواصفتها
لكن خلينى اتكلم عن اصعب مواصفة والتى تسمح لك ب ٥ مواد فعالة فقط
وهى دى بقة اللعبة وتفنجل لى عنيك كده وتتعدل وتقرأ بتمعن
اولا انت هتحدد الاصابات اللى بتيجى لك فى الموسم ودى كل خبير فى محصول عارفها
ثانيا هتختار المبيدات المناسبة لمقاومة هذه الامراض ( يبنى برنامج المكافحة على المقاومة وليس العلاج)
ثم تلعب بالمبيدات دى فى حدود الPHlبتاعك
هاديك مثال توضيحى للعنب
اهم مشاكل العنب فى موسم الانتاج هما البياض الدقيقى والاعفان والبق والجاسيد وذبابة الفاكهة. وشوية حجات تانية نادرة شوية مش هنتكلم عليها عشان مش موضوعنا
هنختار للبياض مبيدين مثلا. ب. ض. كل واحد ذو مادة فعالة واحدة ( مادتين)
والاعفان مبيد واحد. ف غالبا يحتوى مادتين. ( مادتين)
والحشرى للكل ش. مادة واحدة. (مادة)
كده عندنا ال٥ مواد نبدأ اللعب يا معلم
هنرش اولا. قبل التزهير مباشرة المبيد. ب. بياض
ثم. بعده فى مرحلة التزهير شبه الكامل مبيد الاعفان ف
فى نفس المرحلة نقوم بحقن او رش المبيد الحشرى. ش
عند بداية التحجيم نقوم برش مبيد البياض الثانى ض. كده نكون استنفزنا كل المواد
لكن ما زال الخطر قائم للاصابة بالبياض والاعفان والذبابة
هنا نبدأ بالتبديل برش المبيد الاول ب مرة اخرى ولكن خد بالك من الph
ثم رش مبيد الاعفان مرة اخرى اذا استلزم الامر. او مبيد البياض الاخر مرة اخرى
هكذا تكون استخدمت اكثر من رشة بنفس المواد الفعالة ولكن بترتيب يضمن عدم تكرار المبيد مرتين متتاليتين
بالنسبة للذبابة يتم استخدام مصائد ورش جزئى لا يظهر فى التحليل
اذا حدث اصابة اخرى يمكن استخدام مبيدات حيوية
تعالى بقة للعب بالخسارة. وهو انك عشان المحصول بيتباع محلى تقوم تخالف ضميرك وتستخدم مبيدات محرمة دوليا او تستخدم مبيدات قبل الحصاد بفترة صغيرة قبل تعدى فترة الph بحجة انه محلى وكأن المصرى دة ملوش اى ثمن
اتقوا الله فى المستهلك المصرىإيهاب خليفة فيسبوك
يسعدنا تعليقك وتقييمك للموضوع