باقى عوامل تحديد كميات المياه للفدان
الحرارة والبخر نتح
بخر فقد النبات من التربة على هيئة بخار
نتح فقد الماء من النبات
معامل البخر نتح هو مجموع الفقدين من النبات ومن التربة وبدون تعقيد دا بتجيبة من مواقع الارصاد على النت في منطقتك التى ستقوم فيها بالرى ويشار له بالرمز ETo
العامل التالى هو معامل المحصول سيادتك تمشى تحت التكعيبة او في اى بستان وتبص على الأرض هتلاقى جزء ضل وجزء منور
نسبة الظل لنسبة المنور هي دى عامل المحصول وفى العنب بتبلغ الذروة عند العقد او بعدة مباشرة وتبلغ 0.9
سيبك بقة من الكلمتين دول هنحتاجهم كمان شوية وركز جامد في اللى جاى
احنا اتفقنا ان طول فدان العنب 1400متر . فاكر والا ناسى؟
طيب عرض منطقة البلل اللى بيعملها لك الخرطوم تقريبا كام؟ نقول 60سم .يعنى 0.6 متر ماشى؟
طيب عمق الجذور تقريبا كام ؟ نقول متر
يبقى اما نحسب الأمتار المكعبة اللى الجذور موجودة فيها هنحسبها ازاى؟ الطول*العرض*العمق
1400*0.6*1= 840م3
ال 840 م3 دول يقدروا يشيلوا كام مترمكعب ماء؟ هتضطر ترجع للبوست السابق عشان تعرف قدرة كل نوع على الاحتفاظ بالماء اللى هي اسمها ايه؟ السعة الحقلية
للتوضيح هنختار نوع من التربة ونطبق عليه الكلام دة
الرملية الطفلية بتشيل 80لتر اى 0.08م3 ماء لكل متر تربة
يبقى ال840 م3 تربة (الفدان) يشيلوا مياه قد اية
يشيلوا 840م3(الفدان)*0.08 م3ماء= 67م3ماء امسك في دى وخد بالك من النقطة القادمة
يعنى هو انا المفروض اروى كل اما ال67م3 دول النبات مع البخر نتح يستهلكوهم ؟؟؟؟؟؟؟
هاقولك لا طبعا انت لازم تحافظ على النبات داخل نطاق السعة الحقلية عشان متجهدش النبات
بالتالى انت بتعوض النبات كل ما يفقد نصف هذه الكمية تقوم ترويه يعنى كل ما يفقد 30متر تقريبا تقوم ترجعهم له
طيب هو بيفقد ال30 متر دول كل كام يوم؟؟؟؟؟
دا بقة يا حلو موضوع البوست القادم
تحياتى إيهاب خليفة
إيهاب خليفة فيسبوك
يسعدنا تعليقك وتقييمك للموضوع