إستكمال سلسلة الرى وتحديد كمية المياه للفدان
================================
حضرتك كده خلاص عرفت ازاى تحدد كميه المياه التى يستوعبها كل فدان مع انى شاكك فى الموضوع ده ( البوست السابق محدش عبرة بإجابة غير مهندس واحد)😎
لكن ما علينا المهم
كان اخر سؤال فى البوست اروى كل كام يوم ؟؟؟
وده موضوعنا
هتحتاح تراجع البوستات السابقة واللى على فكرة عشان اسهل عليك خليتها تحت هاشتاح #إيهابيات
يعنى تضغط على الهاشتاج هيظهر لك كل ما يخص الموضوع وموضوعات سابقة
وملكوش دعوة بالبوستات السياسية اللى على نفس الهاشتاج وقد اعزر من انذر😂😂😂😂
حضرتك هتحتاج المعطيات التالية
معامل المحصول Kc معامل البخر نتح ETo رقم ثابت ٤٢٠٠/١٠٠٠ اللى بيساوى ٤.٢
كفائة شبكة الرى وده على حسب كفائة الشبكة عندك
المعادلة بتقول
(معامل المحصول×معامل البخر نتح×4.2)/كفائة الشبكة
مثال توضيحى
معامل المحصول 0.6
البخر نتح. ٤
كفائة الشبكة ٨٥٪. بعد وضغ المعطيات فى المعادلة ي
الناتج يكون. 11.8م3. يعنى قول 12م3
معنى كده ان الفدان يستهلك يوميا 12 م3 يوميا
يبقى كده اعطيه كل يوم 12م3 ؟؟
لا يا حلو.
هتزود كمان 20٪ ونقول عليهم معامل ملوحة او غسيل ملوحة
يعنى تقريبا هتبقى محتاج 14 متر يوميا
يعنى كدة اروى كل يوم 14 متر والا ايه ؟
لا فاضل اخر حاجة وهى السعة الحقلية واقول الارض تقدر تستوعب قد ايه مياه
فرضا هنشتغل على الرمليه الناعمة 67 م3 سعة حقلية
وقلنا اننا بنعوض الارض كل اما تفقد نصف السعة الحقلية
يبقى لو الفدان بيستهلك14. يوميا
ونصف السعة الحقلية هو 34 بالتقريب
يبقى اروى كل كام يوم دى هتساوى 34/14 = 2.5يوم
طيب يومين ونص اعملها ازاى
هاديك حل تانى
ممكن تروى كل يومين ٢٨ م3
طبعا تقدر تعرف المده التى بين الريات لاى نوع ارض طالما عرفت المعطيات السابقة
وده كان اخر بوست فى موضوع الرى وان شاء الله اكمل معاكم فى موضوع جديد قد يكون التسميد😎😎😎
مع تحياتى إيهاب خليفة
إيهاب خليفة فيسبوك
يسعدنا تعليقك وتقييمك للموضوع