العناصر الغذائية اللازمة للنبات
»»»»»»»»»»»»»»»»»»»»»»»»»
مثل اى كائن حى يحتاج النبات الى عناصر عذائة لاكمال دورة حياته من نمو وتزهير واثمار
لذلك سنبدأ مباشرةً وبدون مقدمات فى استعراض العناصر الغذائية اللازمة لحياة النبات
يحتاج اى نبات الى مجموعة من العناصر لاستكمال دورة حياته
عدد هذه العناصر 16 عنصر
اولا الكربون C الهيدروجين H الاوكسجين O
وياللعجب رغم ان هؤلاء الثلاثة عناصر يمثلون اكثر من 90% من تكوين النبات الا انها تعتبر عناصر مجانية لا يضيفها الانسان للنبات حيث يستمدها النبات من الهواء والماء
{أَفَرَأَيْتُم مَّا تَحْرُثُونَ. أَأَنتُمْ تَزْرَعُونَهُ أَمْ نَحْنُ الزَّارِعُونَ. لَوْ نَشَاء لَجَعَلْنَاهُ حُطَامًا فَظَلْتُمْ تَفَكَّهُونَ.َ}
ثانيا عناصر كبرى اولية. نيتروجين N فوسفور. P بوتاسيوم. K
وهى عناصر يحتاجها النبات بكميات كبيرة
ثالثا. عناصر كبرى ثانوية. المغنسيوم. Mg الكالسيوم. Ca الكبريت. S
وايضا يحتاجها النبات بكميات كبير. ولكن اقل من السابقة
رابعا عناصر صغرى حديد. Fe زنك. Zn منجنيز. Mn نحاس. Cu بورون. B مولبدنيوم. Mo كلور Cl
وهى عناصر يحتاجها النبات بكميات صغيرة جدا
هناك عناصر اخرى قد تدخل ضمن هذه العناصر منها السيليكون ولكن ليس مجال الحديث عنها الان
ايضا من المعلومات التى يجب ان تعرفها كزراعى وسيكون لها اثر كبير فى فهمك لسلوك العناصر دى هو رقم الPH
اللى هو رقم الحموضة(مش حموضة المعده اللى بعد الاكل😂😂)او الاس الهيدروجينى
ايه بقة رقم الحموضة ده
بص يا سيدى اللى يهمك فى الموضوع ده انك تعرف ان لو فيه محلول احتوى على الهيدروجين H يبقى حامضى زى كل تركيب الاحماض
ولو محلول تانى غلب عليه مجموعة الهيدروكسيل OH يبقى قلوى
ايه بقة علاقة الرقم PH بالكلام ده
العلماء قسموا الحموضة والقلوية لدرجات من 14:1 يتوسطها الرقم 7اللى هو رقم التعادل لا هو قلوى والا حمضى متعادل يعنى ويمثله الماء المقطر
طيب اللى يقل عن 7. يبقى حامضى
واللى يزيد عن 7. يبقى قلوى
جميع اراضى مصر ومياهها تميل للشق القلوى
طيب وايه يعنى قلوى قلوى ايه المشكلة
هى مش مشكلة قوى لكن بردو مشكله عشان النبات بيكون فى افضل حالات الامتصاص عندما تميل التربة والماء للشق الحامضى
وافضل امتصاص له بينحصر بين درجتى 7:5.5
طيب واحنا فى مصر بتكون الدرجة كام
يعنى من 9:7.5 كده تقريبا
يعنى النبات كده مش هيمتص العناصر🙄🙄😥😥
لا يا عم هيمتص بس مش باعلى كفائة
كمان انت ممكن تعلى من الكفائة دى بشوية معاملات هاقولهم لك بعدين
خد بالك الكلمتين اللى فوق دول مدخل للتسميد
يعنى معديناش لسه بسم الله الرحمن الرحيم
حضر دماغك للقادم 😎😎😎
تحياتى. إيهاب خليفة
إيهاب خليفة فيسبوك
يسعدنا تعليقك وتقييمك للموضوع