أضرار التسميد الغير متوازن في التربه

صديقي المزراع انا جي اتكلم معاك في موضوع مهم جدا النهارده وهو ازاي بتصرف كتير علي التسميد وتلاقي بردوا نقص عناصر
بص يا سيدي ده لأنك بتستخدم الاسمده بدون حساب علشان كده حبيت اتكلم معاك في الموضوع ده النهادره وهو موضوع مهم جدا
______________________________________________

       ((((((   أضرار التسميد الغير متوازن في التربه  ))))))))

غالبا المزارع المصري والعربي عموما تعود علي كلمة انا نزلت
10 شيكاره يوريا علشان النبات يشد حيله كده ويبقي كويس
او مثلآ نزلت 7 شكاير  بوتاسيوم علشان النبان ضعيف وعايزه بحجم
أو مثلا واحد يقولك انا نزلت 5 شيكارة سلفات ماغنسيوم تيجي تقولوا كده كتير يا عم الحج يقولك ياعم هي رخيصه عادي ولا يهمك
انا مش معترض انك تسمد لكن يفضل أن نراعي هذه النقاط
___________________________________________

 في الغالب معظم المزارعين الزراعه بالنسبه لهم عباره عن ورث من الأباء و الأجداد وكان الشغل اجتهادات شخصيه من أهالينا الطيبين اليي علمونا كتير
___________________________________________

لكن اليوم قمت بتحضير مقال بسيط عن زيادة العناصر وتاثيرها علي بعضها  اتمني من الله ان تنال اعجابكم

مبدئيا سؤال دائما متداول من المزراع هو انا ينفع اخلط ده علي ده
ياسيدي الفاضل في عناصر تقبل الخلط مع بعضها وعناصر لاتقبل الخلط بالعكس خلطها يسبب مشاكل كبير ه
( ملحوظه مهمه هذا المقال عن التسميد الأرضي وليس الورقي )
___________________________________________

- زيادة النيتروجين اليي  هو ( نترات النشادر  - يوريا - سلفات نشادر )           يقوم بتنشيط امتصاص عنصر الماغنسيوم
ولاكن يؤثر علي امتصاص عناصر(  البوتاسيوم  - النحاس - البورون )
___________________________________________

- زيادة عنصر الفسفور ( فسفوريك - ماب - بيك - داب )
 بردوا ينشط امتصاص الماغنسيوم
ولكن يؤثر علي امتصاص
( البوتاسيوم - الكالسيوم - الزنك - المنجنيز - النحاس ) 
____________________________________________

- زيادة عنصر البوتاسيوم
يقوم بتنشيط امتصاص  (  الحديد - المنجنيز  )
لكن يؤثر على امتصاص ( الماغنسيوم البورون )
____________________________________________

- زيادة الكالسيوم لا ينشط  أي عنصر ابن الأكابر بقي ض
لكن يؤثر في امتصاص
( البوتاسيوم- الماغنسيوم - الحديد - الزنك - المنجنيز - البورون )
____________________________________________
  العناصر الصغري مع بعض
- زيادة الزنك يؤثر علي امتصاص        (  عنصر الحديد )
- زيادة المنجنيز يؤثر علي امتصاص    ( عنصر الحديد  )
- زيادة الحديد تؤثر على امتصاص      ( عنصر الفسفور )
____________________________________________

- زيادة  البورون لا يؤثر علي امتصاص أي عنصر أصله باشا
ولكن زيادته تعمل سمية في النبات وبالأخص نبات الذره
____________________________________________

- زيادة  النحاس تؤثر علي                (  الحديد المنجنيز )
- زيادة الموليبدنم ينشط امتصاص      (   النيتروجين )
ولكن يؤثر علي امتصاص                   (    النحاس    )
____________________________________________

ممكن نقول في آخر المقال انك لو دخلت مزرعه ولاقيت نقص عناصر وصاحب الزراعه قالك انا بسمد التسميد بتاعي اعرف ان المشكله في ( نقطتين )
1 - هي إعفان في الجزور مش لأنها مش عارفه تمتص العناصر من التربه 
2- زيادة التسميد في عنصر مما ادي الي منع امتصاص عنصر آخر
مثل ما شرحنا في البوست
________________________________________
_____________________________________________

يارب اكون وصلت معلومه سهله للأصدقاء
اخوكم الناشط الزراعي
01030009191
م/ محمود راغب
الناشط الزراعى. محمود راغب