البوتاسيوم وصيف البطل
»»»»»»»»»»»»»»»»»»»»
فى الافلام المصرية القديمه كان افضل من لعب دور وصيف البطل كلا من الفنان عبد المنعم ابراهيم والفنان اسماعيل يس 🤣😂
كانت شغلانتهم ايه فى الافلام
بيساعد البطل فى كل حاجة
بيودى الهدوم للمكوجى ويجيبهم👚👚
بيعرفة على البنت الجميلة 👧👧اللى فى الفيلم وبيراقب لهم الطريق وهما قاعدين كلى الكافية بياكلوا جلاس 🍨ويدوبوا فى قلوب الناس احسن ابو البنت يقفشهم 👮👮 وكمان بيحسن صورته عند حبيبته ولو على حساب نفسه
ويمكن عدد المشاهد كمان اللى بيمثلها الوصيف بتكون اكثر
لكن دايما بيفضل البطل هو البطل والوصيف وصيف😯😯
خلص يا عم النجم انت هتعمل لى فيها ناقد سينمائى؟🤠🤠🤠
فين دور ام البوتاسيوم فى ليلتك دى اخلص؟🤑🤑
بص يا عم اللى مش نجم
البوتاسيوم تقريبا نفس الحكاية
هو تالت العناصر الكبرى بعد النيتروجين والفوسفور
وتخيل اننا بنضيف وحدات منه اكتر من العنصرين التانيين
لكن سبحان الله يا مؤمن مفيش عضو فى النبات بيحتوى على البوتاسيوم بصورة اساسية
يا سلام.....؟🚡🤔🤔🤔
زى ما بقولك تخيل انه بيكون موجود على شكل ملح ذائب غير عضوى شغلانته المساعدة فقط
1-عنصر مهم في إنتاج وانتقال السكريات في النبات
2- يساعد على اختزال السكريات وتحولها إلى نشا
3- وجوده أساسي لعمليات التمثيل الضوئي
4- يساعد في امتصاص النيتروجين من التربة ومساعد ومهم لاكثر من ٦٠ إنزيم
5- يزيد في مقاومة النبات لبعض الأمراض لانه بيساعد عل تغلظ جدر الخلايا
6- يقلل من عمليات النتح للنبات لانه اساسى فى ميكانيكية قفل وفتح الثغور
7- كمان يعتقد ان له دور فى ايقاف الخف الجائر فى محصول العنب
أعراض نقص البوتاسيوم:
- هتلاقى سيادتك الورقة الكبيرة لها حواف صفراء وهتلاقيها ملتفة للداخل وبعد فترة هيتحول الصفار ده ارجوانى قبل ما يتحول لبنى محروق
والنقص كمان بيقلل لك وزن المحصول يعنى ممكن يكون عندك عدد كبير لكن وزنه خفيف والثمار ضعيفة وتكون أكثر عرضة للامراض والفطريات
يفضل اضافة البوتاسيوم بكميات صغيرة فى مرحلة النمو الخضرى والتزهير ثم تزداد الكميات فى مرحلة العقد ونزول الماء والسكر واللون
احنا بقة نتعلم ايه من البوتاسيوم
لو انت راجل طيب ومستكين وبتعمل خير لله بلا مقابل وميهمكش انك تكون فى الصورة والناس تذكرك بخير بس. خليك بوتاسيوم😂😂
اما لو حبيت تكون الولد الفت المشهور المشاغب اللى دايما فى الصورة وماشى بمبدا يا فيها يا اخفيها يبقى تخليك نيتروجين او فوسفور😎
تحياتى إيهاب خليفة
إيهاب خليفة فيسبوك
يسعدنا تعليقك وتقييمك للموضوع