استكمال موضوع الملوحة
»»»»»»»»»»»»»»»»»»»
تعرفنا على اسباب الملوحة فى الاراضى (المخل😂😂)
هنستعرضها علميا شوية صغيرين
عند ارتفاع الضغط الاسموزى خارج جذور النبات يصبح على النبات اجهاد نتيجة
اولا محاولته امتصاص المياه من المحلول وبذل جهد جبار لفعل ذلك ولكنه لا يستطيع وذلك لان نظرية انتقال الماء للنبات تعتمد على ارتفاع الضغط الاسموزى داخل النبات اكثر من خارجة فينتقل الماء الى داخل النبات بفعل فرق التركيز
فاذا حدث العكس( كما في حالة الملوحة) حدث الضرر
ثانيا انتقال العناصر السامة الى داخل النبات مما يسبب اعراض السمية
اعراض الملوحة على النبات تكون باحتراق حواف الاوراق وهو اكثر الاعراض تميزا نتيجة عدم وصول الماء لهذة المناطق
التقزم. اللون الازرق الغامق. صغر الاوراق
نيجى بقة للمهم
العلاج
العنصر الاساسى لعلاج الملوحة والموجود في اى مركب معالجة ملوحة هو الكالسيوم
بيعمل ايه الكالسيوم
الكالسيوم عنصر ثنائى الشحنه الموجبة ودة من فضل ربنا فيمكنه إحلال محل الصوديوم احادى الشحنة الموجبه
الصوديوم بيعمل ايه مع التربة
الصوديوم عنصر صغير الحجم احادى الشحنه الموجبة فيلتصق بحبيبة طين واحده مفتتا بذلك قوام التربة لحبيبات صغيرة تسد المسافات البينية مما يقلل من مساميتها وصعوبة انتقال الماء بها لاسفل وكذلك قلة نسبة الاوكسجين فى التربة
طيب الكالسيوم
هو ده العنصر البلطجى يجى يضرب الصوديوم ويطردة بعيد عن حبيبة التربة
مش كده بس دا بياخد حبيبتن تربة عشان عندة شحنتين
ويقوم يجمعهم مع بعض
فابالتالى تزيد قطر التجمع فيعمل مسافات بينية بينهم
عشان الصورة توضح
هات شوية رمل ناعم جدا وحطهم فى اناء زجاجى
واناء اخر ضع به حبيبات رملية خشنة
وضع فى كل منهما قدر من الماء هتلاحظ تحرك الماء بسرعة لاسفل فى حالة الحبيبات الرمليه الخشنه عن الناعمة
هو ده تأثير الكالسيوم (الخشن) والصوديوم (الناعم)
فية معادلة هامة جدا بتحدث فى المحلول الملحى
او نقدر نقول ان معالجة الملوحة بتتم بخطوتين
اولا معادلة عنصر الكلور ودى بتكون بمحموعة الكبريتات
ثانيا معادلة الصوديوم ودى بتكون بالكالسيوم
يعنى اللى يقولك الكبريت الزراعى بيعالج الملوحة لوحده ده مش صح
او الكالسيوم لوحده بردو مش صح
المعادلة هى ان الكبريت بيتحد مع الصوديوم مكونا كبريتات صوديوم سريعة الذوبان وبيفرق بين الصوديوم وحبيبه الكلور
بعد كده او قبل كده او بالتزامن بيكون الكالسيوم بيحل محل الصوديوم على حبيبة التربة زى ما شرحنا ومع المسافات البينية التى يحدثها الكالسيوم يحدث غسيل لكبريتات الصوديوم لاسفل مع محلول التربة اخذا معه الكلور السالب الشحنه والذائب فى المحلول والغير قادر على الارتباط بشئ سواء الحبيبة لتشابه شحنتيهما
او الكالسيوم لادمصاص حبيبات التربة له على سطحها
وللموضوع بقيه انتظرونى
تحياتى إيهاب خليفة
إيهاب خليفة فيسبوك
يسعدنا تعليقك وتقييمك للموضوع