العناصر الاليطة🧐🧐
شوية العناصر دول مبيكبروش لاحد هما اساسا عناصر صغرى فى احتياج النبات
وهما عارفين كده 🤔🤔🤔
تقول للعنصر من دول الحق يا عم العنصر عندنا نقص فى الورق الصغير وعايزين شوية منك ينتقلوا من مكانك فى الورق الكبير للورق الصغير
يرد عليك بكل برود والاطة واستكنيصة😡🤨 : وانا مالى ما تجيبوا من برة
يا عمنا مانت جوا النبات اهه هات شوية نعوض بس النقص دة
يجى حالف يمين طلاق ماهو متحرك😴😴😴
ليه ياعم انتوا مين يعنى ولاد مين فى مصر يعنى عشان متتحركوش
من انتم( بصوت القذافى)🎩
( ١ )انا الكبريـت :
اشارك في تكوين الكلوروفيل و بالتالي اشجع النمو الخضري و لكنى لا اعتبر مكونا في الكلوروفيل.
كمان الكبريت بيعتبر من العناصر المقاومة للامراض الفطرية والاكروسات
ولكنها لا تعالج ويستخدم رش فى بداية حياة النبات ( كبريت ميكرونى)
فيه مقولة بتقول انه بيدفى النبات ولكنى اشك فى صحتها لمحصول العنب
مش محتاج انك تضيفة بصفة خاصة لان غالبية الاسمدة عبارة عن سلفات
كمان الجبس الزراعى به نسبة كبيرة من الكبريت
( ٢ ) المنجنيـــز :
انا بقة باساعد فى تخليق الكلورفيل بردو بس انا غير الكبريت انا جزء من الكلورفيل وغير كده انا عامل مساعد فى تفاعلات الاكسدة والاختزال وفى تخليق البروتين
أيضا ادعم حركة الحديد داخل النبات .
( ٣) الموليبدنـــم :
انا صحيح احتياجى قليل خالص واكتشفوة مؤخرة لكن لى دور كبير فى تثبيت النيتروجين جوه النبات ودى وظيفة عظيمة ممكن تحميك من مرض العنق الاسود
كمان انظم أنشطة إنزيمات عديدة .
( ٤ ) النحــاس :
انا كمان مكون للكروفيل واساعد فى تخليقة وعامل مساعد للتنفس ومكون اساسى لكثير من الانزيمات
اشترك مع الكبريت كمقاوم للامراض الفطرية وانا اساسى فى مركبات مقاومة البياض الزغبى واعفان الجذور
ومكون اساسى لعجينة بردو الشهيرة المقاومة للامراض الفطرية
( ٥) البــورون :
انا بقة الدلع
انا بتاع الاخصاب انا الڤياجرا بتاع النبات اللى عندة تزهير هيحتاجنى اللى عايز تثبيت العقد بتاعة هيحتاجنى وحتى بعد العقد اساعد فى تطور وتمييز الانسحة ونقل السكر وتطور ونمو الجذور
(٦) الزنك :
انا بقة لى ادوار كثيره
لكن عامة انا بارتبط بإخواتى الحديد والمنجنيز لتخليق الكلورفيل
باشارك فى التخليق الحيوى للهرمون النباتى IAA
كمان انا مهم عشان ميكنش عندك حب رفيع فى العناقيد شوت بيريز وكمان عشان سلامياتك تبقى طبيعية ومش قصيرة
( ٧) الحديــد :
رغم ان لونى احمر فى الطبيعة بس انا اساسى للون الاخضر للنبات عشان انا ضرورى لتخليق الكلورفيل
انا اساسى لتخليق البروتين الموجود فى الكلوروبلاست
اعتبر منظم لعمليات التنفس والتخليق الضوئى
»»»»»»»»
عرفت احنا مين ياشاطر
احنا الصواريخ البلاستية للنباتات الزراعية 😂😂😂😂😂
إيهاب خليفة فيسبوك
يسعدنا تعليقك وتقييمك للموضوع